Never Play It Safe

ကျွန်မတို့ဟာ နေ့စဉ်နဲ့အမျှ လူမှုပတ်ဝန်းကျင်ရဲ့မျှော်မှန်းချက်တွေကြောင့်သော်လည်း ကောင်း၊ နေ့စဉ်တာဝန်ဝတ္တရားတွေကြောင့်သော်လည်းကောင်း၊ အကြောက်တရားတွေကြောင့်သော် လည်းကောင်း ရွေးချယ်မှုတွေကိုဆက်တိုက်ပြုလုပ်ကြရပါတယ်။ ဒီလိုရွေးချယ်မှုတွေကိုလုပ်တဲ့အခါ ကျွန်မတို့နဲ့အကျွမ်းတဝင်ရှိတဲ့အရာတွေ၊ ကျွန်မတို့အတွက် ဘေးကင်းစေတဲ့အရာတွေကိုပဲ အများဆုံး ရွေးချယ်ဆောင်ရွက်လေ့ရှိကြပါတယ်။ ဒီလိုမျိုးလမ်းဟောင်းအတိုင်းသွားနေသရွေ့ အသစ်အဆန်းဆို တာကို ကျွန်မတို့ ဘယ်တော့မှမြည်းစမ်းခွင့်ရမှာမဟုတ်ပါဘူး။ ဒါကြောင့် ကျွန်မတို့နဲ့ အကျွမ်းတဝင် ရှိတဲ့အရာတွေကိုပဲ ရွေးချယ်လုပ်ကိုင်နေမယ်ဆိုရင် ကြာလာတဲ့အခါ တိုးတက်မှုတွေတုံ့နှေးလာမယ်။ ဆန္ဒမပြည့်ဝမှုတွေများလာပါလိမ့်မယ်။ စိတ်ချမ်းသာစရာဘဝတစ်ခုဆိုတာ အမှားတွေကိုရှောင်သွား ခြင်းမဟုတ်သလို လူတွေရဲ့အားပေးထောက်ခံမှုကိုရှာဖွေခြင်းလဲ မဟုတ်ပါဘူး။ ကျွန်မတို့ရဲ့အတွင်း စိတ်ကို သေချာနားလည်ပြီး ကောင်းကောင်းအသုံးချတတ်မှသာ သင်လိုချင်တဲ့ဘဝတစ်ခုကို ပိုင်ဆိုင် နိုင်ပါလိမ့်မယ်။

တကယ်တော့ ကျွန်မတို့အားလုံးမှာ မောင်းတံကိုယ်စီရှိကြပါတယ်။ ပြတ်သားတဲ့ဆောင်ရွက် ချက်တွေ ဒါမှမဟုတ် ပြတ်သားတဲ့စိတ်ဓာတ်တွေက ကျွန်မတို့ရဲ့ဘဝအပေါ် ကောင်းမွန်တဲ့အကျိုး သက်ရောက်မှုတွေကို ဖန်တီးပေးနိုင်ပါတယ်။ ဒီလက်နက်တွေက သင့်ရဲ့တိမ်မြုပ်နေတဲ့အစွမ်းအစ တွေကို ဖော်ထုတ်ပေးနိုင်ရုံသာမက အခက်အခဲအတားအဆီးတွေကိုလဲ အလွယ်တကူကျော်လွှား သွားစေနိုင်ပါတယ်။ ကျွန်မတို့အားလုံးဆီမှာ တူညီတဲ့မောင်းတံ ၇ ခုရှိကြပါတယ်။ ဒါတွေကတော့ အာ ရုံစူးစိုက်မှု၊ အချိန်၊ ဆဌမအာရုံ၊ အဟန့်အတား၊ ပျော်ရွှင်မှုနဲ့အပန်းဖြေမှုအတွက် ကစားခြင်း၊ ကျရှုံး ခြင်းနဲ့ လေ့ကျင့်ခြင်းတွေဖြစ်ကြပါတယ်။ ဒီမောင်းတံ ၇ ခုကိုသာ ကောင်းကောင်းအသုံးချတတ်မယ် ဆိုရင် ကျွန်မတို့အတွက် အမှန်တကယ်အရေးကြီးတဲ့အရာတွေကို ပိုပြီးအာရုံစူးစိုက်နိုင်လာပါလိမ့် မယ်။ ကြောက်စိတ်နဲ့ကန့်သတ်ချက်တွေကို ကျော်လွှားနိုင်လာပြီး စစ်မှန်ပြီးတိုးတက်တဲ့ဘဝလမ်း ခရီးတစ်ခုဆီ အဓိပ္ပာယ်ရှိရှိလျှောက်လှမ်းလာနိုင်ပါလိမ့်မယ်။