Disrupt You!

စီးပွားရေးလုပ်ငန်းမှာ အောင်မြင်လာတယ်ဆိုတာ ကံကောင်းလို့မဟုတ်ပါ၊ ယုတ္တိရှိရှိစဉ်းစားခြင်းကြောင့် ဖြစ်ပါတယ်။ စွန့်ဦးတီထွင်သူတွေဟာ အခြေအနေတွေကို အမြဲတစေပြန်လှန်သုံးသပ်သလို ဦးတည်ရာကိုလည်း အလျဉ်းသင့်သလို ပြောင်းလဲရွေးချယ်ပြီး၊ ကမ္ဘာတစ်ဝှမ်းက နယ်ပယ်အသီး သီးနဲ့လုပ်ငန်းခွင်အသီးသီးမှာ ဆန်းသစ်ပြောင်းလဲမှုတွေကို ဖြစ်ပေါ်စေတတ်ပါတယ်။ သူတို့က ပြဿနာအရင်းအမြစ်တွေကို ရှာဖွေပေးပြီး ဖြေရှင်းချက်တွေကို ရောင်းချပါတယ်။ သူတို့ စိတ်ကူးမိသမျှ အကြံဉာဏ်တွေအားလုံးက အကောင်းဆုံးတွေချည်း တော့ မဟုတ်ဘူးပေါ့။ ဒါပေမယ့် သူတို့က ကျရှုံးမှုတွေရှိရင်လည်း ဒီအရာတွေကို အောင်မြင်စေမဲ့ခြေလှမ်းတွေအဖြစ် မှတ်ယူကြပါတယ်။ အဆင်မပြေတဲ့စိတ်ကူးတွေကို မြန်မြန်ဖြုတ်ချကာ အခွင့်အလမ်းသစ်တွေကို ဖော်ထုတ်ပြီး ပိုမှန်ကန်တဲ့ ဆုံးဖြတ်ချက်တွေကို ချမှတ်နိုင်ဖို့အတွက် အချက်အလက်တွေကိုအသုံးချကြတာ ဖြစ်ပါတယ်။