The Life – Changing Magic of Tidying up

သင့်အိမ်ကို သန့်ရှင်းသပ်ရပ်အောင်ထားဖို့ ဘယ်နည်းလမ်းက အကောင်းဆုံးဖြစ်နိုင်ပါသလဲ။ ကလပ် မှာ ဝတ်ခဲ့တဲ့ သင့်ရဲ့ကုတ်အင်္ကျီကို လွှင့်ပစ်သင့်တဲ့အချိန်ကိုရော သင် ဘယ်လိုသိနိုင်ပါသလဲ။ ဒါဆိုရင် သင့် အဖိုးအဖွားတွေဆီက ရခဲ့ဖူးတဲ့ပို့စကတ်လေးတွေကိုရော သင့်အနေနဲ့ ဘယ်အချိန်မှာ ဘာလုပ်ပစ်သင့်ပါသလဲ။ အိမ်မှုကိစ္စတွေရဲ့နောက်ကွယ်မှာ ခက်ခဲနက်နဲတဲ့မေးခွန်းတွေအများကြီး ရှိပါတယ်။

အိမ်သန့်ရှင်းရေးလုပ်ခြင်းက သင့်အိမ်ကိုပဲ ရှင်းလင်းသေသပ်သွားစေတာ မဟုတ်ပါ။ သင့်အတွက် ဆုံးဖြတ်ချက်တွေချတဲ့အခါမှာ ပိုအဆင်ပြေလာစေသလို၊ ကျန်းမာရေးနဲ့ညီညွှတ်အောင်လည်း ပိုပြီးနေထိုင် တတ်စေပါတယ်။ ပြီးတော့ အိမ်သန့်ရှင်းရေးလုပ်ခြင်းဟာ သင် စိတ်ကူးထားတဲ့အိပ်မက်တွေဆီကို ရောက်အောင်လည်း တွန်းပို့ပေးနိုင်ပါတယ်။

စာရေးသူ မာရင်း ကွန်ဒို (Marie Kondo) ရဲ့ နည်းစနစ်တွေက သင့်တွေးပုံတွေးနည်းတွေကို ပြောင်းလဲ သွားစေပါလိမ့်မယ်။ ဥပမာ - သင်က အဝတ်အစားအသစ် ဝယ်လာတဲ့အခါ အဲဒီအဝတ်အစားကို တယုတယ ကြိုဆိုတတ်လာပါလိမ့်မယ်။ အဲ့ဒီအဝတ်အစားကို ကုန်ပစ္စည်းတစ်ခု ဆိုတာထက် သင့်ဘဝရဲ့ အစိတ်အပိုင်း တစ်ခုလို သဘောထားလာပါလိမ့်မယ်။