The Introvert's Way

အပြင်စွဲသူ (Extrovert) တွေ ပေါများတဲ့ကမ္ဘာကြီးမှာ အတွင်းစွဲသူ (Introvert) တစ် ယောက်အဖြစ်နေရတာက ရေစီးကြောင်းကိုဆန်ပြီးကူးနေရသလို ခံစားရနိုင်ပါတယ်။ လူ့အဖွဲ့အစည်း ဟာ ငယ်ဘဝကတည်းက အလုပ်ခွင်အထိ လူတွေကို ပိုပြီးစကားပြော၊ ပိုပြီးတက်ကြွနေဖို့ ဖိအားပေး လေ့ရှိကြပါတယ်။

           ဒါပေမဲ့ အတွင်းစွဲတွေကတော့ သူတို့ရဲ့စွမ်းအင်ကို အပြင်ဘက်ကို ထုတ်သုံးတာမဟုတ်ဘဲ မိမိ ရဲ့အတွင်းစိတ်ထဲမှာ ပြန်ဖြည့်ရင်း အားအင်တွေရယူကြရပါတယ်။ အဲဒီလို နေထိုင်တာဟာ လုံးဝမှန် ကန်တဲ့ပုံစံတစ်ခုပါပဲ။ အတွင်းစွဲဖြစ်ရတာဟာ ဦးနှောက်ရဲ့ဓာတုဖွဲ့စည်းပုံနဲ့ ဆက်စပ်နေတဲ့ သဘာဝ စရိုက်တစ်ခုပါ။ လေ့လာချက်တွေအရ အပြင်စွဲတွေက လူမှုရေးဆက်ဆံရာကနေ dopamine (ပျော် ရွှင်စေတဲ့ဓာတုပစ္စည်း) ကို ရှာဖွေကြပေမဲ့ အတွင်းစွဲတွေကတော့ စိတ်ကိုတည်ငြိမ်စေပြီး တွေးခေါ်မှု ကို အထောက်အကူပြုတဲ့ acetylcholine ကနေ ပိုပြီးအားအင်ရရှိကြပါတယ်။

အတွင်းစွဲတစ်ယောက်အနေနဲ့ အဆင်ပြေပြေနေထိုင်နိုင်ဖို့အတွက် မိမိရဲ့ ကန့်သတ်ချက်တွေ ကိုသတ်မှတ်ပြီး လူအများနဲ့နေရတဲ့နေရာတွေကို ဘယ်လိုကိုင်တွယ်ရမလဲဆိုတာ သင်ယူဖို့က အရေး ကြီးပါတယ်။ ဥပမာအနေနဲ့ ခဏတာ တိတ်ဆိတ်တဲ့အချိန်ယူတာ၊ အလုပ်တစ်ခုခုနဲ့ အာရုံလွှဲထားတာ ဒါမှမဟုတ် စကားအနည်းအကျဉ်းပြောရာမှာ ကျွမ်းကျင်အောင် လေ့ကျင့်ထားတာမျိုးတွေက သင့်ရဲ့ စွမ်းအင်ကို ထိန်းသိမ်းရာမှာ အထောက်အကူဖြစ်စေပါတယ်။ မိမိရဲ့လိုအပ်ချက်တွေကို နားလည် အောင် သူများကိုပြောပြဖို့လဲ အရေးကြီးပါတယ်။

           တကယ်တော့ အတွင်းစွဲတစ်ယောက်အနေနဲ့ ကောင်းကောင်းနေထိုင်တယ်ဆိုတာ လူတွေကို ရှောင်နေတာ ဒါမှမဟုတ် သူများအတိုင်းလိုက်လုပ်နေတာမျိုး မဟုတ်ဘဲ ဟန်ချက်ညီအောင် နေထိုင် တာမျိုးပါ။ မိမိရဲ့ပင်ကိုစရိုက်အတိုင်းနေရင်းနဲ့မှ တခြားသူတွေနဲ့လည်း ရင်းနှီးပွင့်လင်းပြီး အကျိုးရှိတဲ့ ဆက်ဆံရေးမျိုးကိုတည်ဆောက်နိုင်မှာပါ။ ဆူညံတဲ့ကမ္ဘာကြီးမှာ အတွင်းစွဲတွေဟာ အသိအမှတ်ပြု သင့်တဲ့ တိတ်ဆိတ်တဲ့စွမ်းအားတစ်ရပ်ကို ယူဆောင်လာပေးနိုင်ကြသူတွေ ဖြစ်ပါတယ်။