The Story Of My Experiments With Truth

ဒီစာအုပ်က မဟတ္တမဂန္ဒီရဲ့ ကိုယ်တိုင်ရေးအတ္ထုပ္ပတ္တိစာအုပ်လို့ ပြောလို့ရပါတယ်။ ဒီစာအုပ်ထဲမှာ ဂန္ဒီရဲ့ ကလေးဘဝကနေ အသက် ၅၀ အရွယ်အထိ ဖြတ်သန်းမှုမှတ်တမ်းတွေ ပါဝင်ပါတယ်။ ဂန္ဒီဟာ ၁၉ ရာစု နဲ့ ၂၀ ရာစု တွေရဲ့ ကမ္ဘာ့အလွှမ်းမိုးနိုင်ဆုံး လူသားတွေထဲက တစ်ယောက်ပါ။ သူဟာ အိန္ဒိယရှေ့နေတစ်ယောက်ဖြစ်ပြီး၊ နယ်ချဲ့ ဝါဒကို ဆန့်ကျင်သူလည်း ဖြစ်ပါတယ်။ သူက အကြမ်းဖက်မှုကို ဆန့်ကျင်ကာ အိန္ဒိယမှာ လွှမ်းမိုးနေတဲ့ ဗြိတိသျှတွေ ရဲ့စည်းမျဉ်းတွေကနေ လွတ်မြောက်အောင် လုပ်ခဲ့ပါတယ်။ ဒီလိုကြိုးပမ်းမှုကပဲ အိန္ဒိယကို လွတ်လပ်ရေး ပြန်ရဖို့ ဖြစ်လာစေခဲ့ပါတယ်။ ဒါ့အပြင်၊ လူတိုင်း တန်းတူအခွင့်အရေး ရှိတယ် ဆိုတဲ့ သူ့ရဲ့ နည်းလမ်းက ကမ္ဘာ့အနှံ့အပြားရှိ လူတွေကို ကျင့်သုံး‌လာစေခဲ့ပါတယ်။

သူ ပြောခဲ့တဲ့ထဲက ထင်ရှားတဲ့စကားတစ်ခွန်းကတော့ " ကျုပ် စိတ်ဓာတ်ကျလာပြီဆိုရင် သမိုင်းကြောင်းကို ပြန်ကြည့်ပြီး၊ အဆုံးမှာတော့ အမှန်တရားနဲ့ မေတ္တာတရားက အမြဲနိုင်ခဲ့တယ်ဆိုတာကို သတိရလိုက်တယ်။ အကြမ်း ဖက်မှုတွေ၊ သတ်ဖြတ်မှုတွေဟာ အချိန်တစ်ခုမှာ ရှိခဲ့ပေမဲ့၊ ဒါတွေဟာ ကြာရှည် မမြဲဘူး၊ နောက်ဆုံးကျရင် ကျရှုံးမယ့် အရာတွေဖြစ်တယ်ဆိုတာကို အမြဲတမ်းတွေးပါတယ်" လို့ ဖြစ်ပါတယ်။