When Things Fall Apart

ဘဝဆိုတာ ဆိုးတစ်လှည့် ကောင်းတစ်လှည့်၊ ဝမ်းနည်းတစ်လှည့် ဝမ်းသာတစ်လှည့်နဲ့ အမြဲတမ်း သံသရာ လည်နေတာပါ။ ဒါပေမဲ့၊ ဘဝမှာ ကြီးကြီးမားမား ဆုံးရှုံးမှုတွေနဲ့ ကြုံရတဲ့အခါ၊ ကိုယ် ချစ်ရသူတစ်ယောက် ဝေဒနာ ခံစားနေရတာကို မျက်မြင်ကိုယ်တွေ့ ကြုံရတဲ့အခါ ကျွန်မတို့တစ်တွေ အင်မတန် စိတ်ထိခိုက်ကြရပါတယ်။ အဲဒီ အခါ၊ လောကကြီးက ကိုယ့်အတွက် မတရားသလိုမျိုး ခံစားရတတ်ပြီး၊ စိတ်ပျက်အားငယ်စိတ်တွေနဲ့အတူ လမ်း ပျောက်သလို ဖြစ်လာတတ်ပါတယ်။

နာကျင်မှုနဲ့ ဒုက္ခတွေဆိုတာ ဘဝရဲ့ ရှောင်လွှဲမရတဲ့အစိတ်အပိုင်းတွေ ဖြစ်သလို၊ လူတစ်ယောက်ကို တိုးတက် ပြောင်းလဲစေနိုင်တဲ့ အခွင့်အလမ်းတွေလဲ ဖြစ်ပါတယ်။ မြတ်ဗုဒ္ဓရဲ့အဆုံးအမတွေကို လက်တွေ့လိုက်နာ ကျင့်သုံးမယ် ဆိုရရင် မခံမရပ်နိုင်လောက်အောင် ခံစားရတဲ့နာကျင်မှုတွေကို သည်းခံစိတ်နဲ့ ရင်ဆိုင်နိုင်လာပါလိမ့်မယ်။ အတိတ်၊ အနာဂတ်ကို တွေးမနေဘဲ ပစ္စုပ္ပန်ကိုပဲ အာရုံပြုနိုင်လာပါလိမ့်မယ်။ သတ္တဝါအားလုံးအပေါ် မေတ္တာထားနိုင်လာပြီး အကြောက်တရားတွေကို ရင်ဆိုင်နိုင်လာမယ်။ ဖြစ်လာသမျှအရာရာတိုင်းကိုလဲ အမှန်အတိုင်း လက်ခံလာနိုင်ပါလိမ့် မယ်။