You are not so Smart

တစ်ခါတလေမှာ လောကကြီးက သင်နဲ့ဆန့်ကျင်ဘက်ဖြစ်နေတယ်လို့ ခံစားရပါသလား။ ပြီး တော့ အခြားသူတွေက သင့်လောက်မတော်ဘူး၊ မစွမ်းဆောင်နိုင်ဘူး။ သူတို့ရဲ့ဘဝက သင့်ဘဝ လောက် ရှုပ်ထွေးမနေဘူးလို့တွေးနေပါသလား။ ဒီလိုသဘောထားခံယူချက်မျိုးဟာ လူတိုင်းဆီမှာ ရှိပါ တယ်။ ဘာလို့လဲဆိုတော့ ကျွန်မတို့ရဲ့ဦးနှောက်ထဲမှာရှိတဲ့အလိမ်အညာတွေက ကျွန်မတို့ကို အမှန်လို့ ထင်အောင်လှည့်စားနေလို့ပဲဖြစ်ပါတယ်။ ကျွန်မတို့ဟာ ကျွန်မတို့ကိုယ်ကျွန်မတို့ အရည်အချင်းရှိ တယ်၊ ကျိုးကြောင်းဆင်ခြင်နိုင်စွမ်းရှိတယ်၊ အရေးပါတယ်လို့လက်ခံထားကြပါတယ်။ ဒီအတွေးမှား တွေကြောင့်ပဲ အခွင့်အလမ်းကောင်းတွေနဲ့လွဲချော်ခဲ့ရတယ်။ ညံ့ဖျင်းတဲ့ဆုံးဖြတ်ချက်တွေကို ချခဲ့ကြ ပါတယ်။ ဒါကြောင့် ဒီအတွေးခံယူချက်တွေကိုကျော်လွန်ပြီး သင့်ရဲ့ဝေဖန်ပိုင်းခြားနိုင်စွမ်းကို တိုးတက် စေချင်တယ်ဆိုရင် ဒီသဘောတရားကို သေချာနားလည်သဘောပေါက်ဖို့လိုပါတယ်။

သိမြင်မှုဆိုင်ရာဘက်လိုက်မှုက တိကျတဲ့ပုံစံတစ်ခုဖြစ်ပြီး ကျွန်မတို့ရဲ့ဆင်ခြင်တုံတရားနဲ့ ဝေ ဖန်ပိုင်းခြားနိုင်စွမ်းကို လမ်းလွဲသွားစေနိုင်ပါတယ်။ အမှားဆိုတာ သူ့အလိုလိုဖြစ်လာတာမဟုတ်ပါ ဘူး။ ကျွန်မတို့ရဲ့ကြောင်းကျိုးမဆီလျော်တဲ့အတွေးတွေနဲ့ အပြုအမူတွေကြောင့် ဖြစ်ပေါ်လာတဲ့ရလဒ် တစ်ခုဖြစ်ပါတယ်။ ပြီးတော့ ကျွန်မတို့ကိုယ်တိုင်က ကိုယ့်အပြုအမူနဲ့ကိုယ့်အတွေးပုံစံကို သေချာနား မလည်ဘဲ ဒီအလွဲထဲမှာပဲ အမှုမဲ့အမှတ်မဲ့ပျော်မွေ့နေတတ်ကြပါတယ်။ ဒါကြောင့် ကျွန်မတို့ရဲ့စိတ်က ကျွန်မတို့ကို ဘယ်လိုလှည့်စားနေသလဲ၊ ကျွန်မတို့ရဲ့အတွေးပုံစံကို အခုထက်ပိုပြီးရှင်းရှင်းလင်းလင်း သိဖို့ ဘာတွေကိုလိုအပ်သလဲ၊ စဉ်းစားဆင်ခြင်ဉာဏ်ရှိတဲ့ဆုံးဖြတ်ချက်တွေကို ဘယ်လိုချမှတ်မလဲဆို တာတွေကို ဒီစာအုပ်ထဲမှာလေ့လာဖတ်ရှုနိုင်ပါတယ်။