How To Think Like Leonardo Da Vinci

လီယိုနာဒိုဒါဗင်ချီကို လူတွေကြားထဲမှာ ဗဟုသုတနှံ့စပ်သူအဖြစ်သိကြသလို ဖန်တီးနိုင်စွမ်း မြင့်တဲ့ဉာဏ်ကြီးရှင်အဖြစ်လဲ သတ်မှတ်ခံထားရပါတယ်။ သူ့ဘဝတစ်လျှောက်လုံး အမြဲသိချင်စိတ် ပြင်းပြနေပြီး ဘာလုပ်လုပ်ပါရမီပါနေကာ တီထွင်ဖန်တီးတိုးတက်မှုရဲ့စံပြပုဂ္ဂိုလ်လို ဖြစ်နေခဲ့ပါတယ်။ သူဟာ ၁၄၅၂ခုနှစ်၊ ဧပြီလ ၁၅ရက်နေ့မှာမွေးဖွားခဲ့ပြီး သူ့ရဲ့ဇာတိကတော့ အီတလီနိုင်ငံ၊ ဗင်ချီမြို့ ဖြစ် ပါတယ်။ တရားမဝင်ကလေးတစ်ယောက်အဖြစ်ကနေ သမိုင်းတွင်ဂန္တဝင်တစ်ယောက်ဖြစ်လာခဲ့တဲ့ လီယိုနာဒိုရဲ့ဘဝခရီးလမ်းကို အတိုချုပ်ပြောလို့ရမယ့်ဖြတ်လမ်းရယ်လို့မရှိခဲ့ပါဘူး။ သူက ပန်းချီရေးဆွဲ ခြင်းကိုကျွမ်းကျင်ကာ တကယ့်သမိုင်းတွင်ပန်းချီကားတွေဖြစ်တဲ့ နောက်ဆုံးညစာ (The Last Supper) နဲ့ မိုနာလီဆာတို့လိုပန်ချီကားတွေကို ဆွဲခဲ့တဲ့အပြင် ဖန်တီးနိုင်စွမ်းရှိတဲ့ အင်ဂျင်နီယာ၊ တိကျသေချာတဲ့သိပ္ပံပညာရှင်၊ သီချင်းကောင်းတွေကိုဖန်တီးခဲ့တဲ့ဂီတပညာရှင်နဲ့ လွတ်လပ်စွာတွေး ခေါ်တတ်သူလဲဖြစ်ပါတယ်။

လီယိုနာဒိုရဲ့ဘဝနဲ့ လုပ်ဆောင်နိုင်ခဲ့ခြင်းတွေကြောင့် သူဟာ အမျိုးမျိုးသောနယ်ပယ်ကလူ တွေရဲ့ စံပြလူတစ်ယောက်ဖြစ်ခဲ့ပါတယ်။ သူ့ရဲ့အနုပညာနဲ့ သိပ္ပံပညာကို ပေါင်းစပ်လုပ်ကိုင်နိုင်မှု၊ ဗဟု သုတပေါင်းများစွာကို မဆုတ်မနစ်ဆည်းပူးနေမှုနဲ့ သူ့ရဲ့အမြဲတမ်းလေ့လာသင်ယူမှုတို့ဟာ သူ့ကို နှံ့နှံ့ စပ်စပ်သိနားလည်သူတစ်ယောက် ဖြစ်စေခဲ့ပါတယ်။ လီယိုနာဒီုဒါဗင်ချီဟာ သူ့ဘဝကို နိယာမ (၇) ချက်အရနေထိုင်ခဲ့ပြီး အဲ့ဒါတွေက curiosita၊ dimostrazione၊ sensazione၊ sfumato၊ arte e scienza၊ corporalita နဲ့ connessione တို့ပဲဖြစ်ပါတယ်။ ဒီနိယာမတွေက သူ့ရဲ့ဉာဏ်စွမ်း၊ သင်ယူ နိုင်မှုနဲ့ ဖန်တီးနိုင်စွမ်းတွေကို ဖြစ်စေခဲ့တာပါ။ သူ့ရဲ့အလေ့အကျင့်တွေကို လိုက်နာကျင့်သုံးခြင်း တစ် နည်းအားဖြင့် မေးခွန်းတွေမေးခြင်း၊ အမြဲလေ့လာနေခြင်း၊ အာရုံငါးပါးကို ထက်သန်အောင်နေခြင်း၊ မရေရာမှုကိုလက်ခံနိုင်အောင်လုပ်ခြင်းအားဖြင့် ဘယ်သူမဆို သူ့လိုပဲ ဖန်တီးနိုင်စွမ်းမြင့်မှုနဲ့ ပြဿနာ ဖြေရှင်းနိုင်စွမ်းတွေကို ရရှိလာမှာပဲဖြစ်ပါတယ်။