From Conflict to Courage

ထိပ်ဆုံးရောက်နေတဲ့တကယ့်ခေါင်းဆောင်ကြီးတွေတောင် ပဋိပက္ခအငြင်းပွားရမှာကို တတ် နိုင်သမျှရှောင်ရှားတတ်ကြပါတယ်။ တမင်သက်သက် အငြင်းပွားခိုင်းတာမဟုတ်ပေမဲ့ အငြင်းပွားစ ရာတွေနဲ့ကြုံလာခဲ့ရင်လဲ နှုတ်ဆိတ်မနေသင့်ပါဘူး။ သဘောထားကွဲလွဲမှုတွေကို အပျက်သဘော ဆောင်တဲ့အမြင်နဲ့ကြည့်မဲ့အစား အပြုသဘောဆောင်တဲ့အမြင်နဲ့ကြည့်တတ်အောင် သင့်ကိုယ်သင်ပြု ပြင်ပြောင်းလဲလိုက်ပါ။ သင့်အတွင်းစိတ်ကိုပြောင်းလဲလိုက်တာနဲ့ သင့်ပတ်ဝန်းကျင်ရော သင့်လုပ်ငန်း ခွင်ပါ ပြောင်းလဲလာပါလိမ့်မယ်။ အခြားသူတွေရဲ့သဘောတူညီမှုကိုလဲ အသည်းအသန်ကြိုးစားစရာ မလိုဘဲ အလွယ်တကူရရှိလာပါလိမ့်မယ်။

စကားပြောနေရင်း တစ်ယောက်နဲ့တစ်ယောက် သဘောထားမတူညီတဲ့အခါ အဲဒီစကားဝိုင်း ကနေ နှုတ်ထွက်ဖို့ ဒါမှမဟုတ် သဘောထားကွဲလွဲမှုတွေကိုရှောင်ရှားဖို့ ကျွန်မတို့ ကြိုးစားတတ်ကြ ပါတယ်။ ဒီလိုကြိုးစားရာမှာလဲ အကြောင်းပြချက်အမျိုးမျိုးပေးတတ်ကြပါတယ်။ ဥပမာ - တစ်ဖက် လူရဲ့ခံစားချက်ကို ထိခိုက်သွားမှာစိုးလို့ဆိုတာမျိုးပါ။ အမှန်တော့ ကျွန်မတို့ကိုယ်တိုင် စိတ်မသက်မ သာခံစားရလို့၊ ဒီလိုမျိုးစိတ်ခံစားချက်တွေကိုမခံစားချင်လို့ အငြင်းပွားရမဲ့အရေးကို မသိမသာရှောင် တိမ်းနေကြတာဖြစ်ပါတယ်။ ကျွန်မတို့ရဲ့သဘောထားအမှန်ကို ထုတ်ပြောလိုက်လို့ တစ်ဖက်လူ စိတ်ခု သွားမှာ ကြောက်တယ်။ သူတို့ရဲ့ခံစားချက်ထိခိုက်သွားတဲ့အတွက် တစ်ဖက်က တုံ့ပြန်ပြောဆိုလာတဲ့ အခါ ကျွန်မတို့ဒေါသထွက်လာမယ်။ ဒါတွေကို မခံစားချင်တဲ့အတွက် ပြောဖို့လိုအပ်တဲ့စကားတွေကို မပြောတော့ဘဲ တစ်ဖက်လှည့်နဲ့ရှောင်ထွက်တတ်ကြတယ်။ အမှန်တော့ ဒီနည်းက မှားယွင်းတဲ့နည်း လမ်းတစ်ခုဖြစ်ပါတယ်။

ဒါကြောင့် လိုအပ်တဲ့အခါ သဘောထားကွဲလွဲမှုတွေ ဘယ်လောက်ပဲရှိရှိ ထိပ်တိုင်ရင်ဆိုင်ဖြေ ရှင်းနိုင်စွမ်းရှိအောင်ကြိုးစားပါ။ ထိပ်တိုက်ဖြေရှင်းရဲတဲ့သတ္တိကိုလဲ မွေးမြူပါ။ ကျွန်မတို့ရဲ့စိတ်ခံစား ချက်တွေကို ထိန်းသိမ်းတတ်အောင်သင်ယူပါ။ တစ်ဖက်လူပြောတာကို နားထောင်ပေးနိုင်စွမ်းရှိပါ။ သာမန်ဝေဖန်မှုထက် စစ်မှန်တဲ့လမ်းညွှန်မှုကိုသာပေးပါ။ ဒါမှသာ ဆက်ဆံရေးတွေ တိုးတက်ကောင်း မွန်လာပြီး လုပ်ငန်းခွင်ရလဒ်တွေလဲ ကောင်းလာပါလိမ့်မယ်။ အရေးကြီးတာက သင့်စိတ်ခံစားချက် တည်ကြည်ဖို့နဲ့ ခေါင်းဆောင်မှုစွမ်းရည်ကောင်းတွေကို မွေးမြူဖို့သာဖြစ်ပါတယ်။