Nobody Cares About Your Career

သင်ဟာ ဒီကနေ့လို ပြိုင်ဆိုင်မှုပြင်းထန်တဲ့ အလုပ်ဈေးကွက်မှာ ကြံ့ကြံ့ခိုင်နိုင်ဖို့ဆိုရင် လက်ရှိ အရည် အချင်း၊ လက်ရှိအတွေ့အကြုံထက် အများကြီး ပိုလိုအပ်ပါတယ်။ ဒီထဲကမှာ အရေးကြီးဆုံးအချက်က သင့် အလုပ်ကို ဘယ်သူမှ သင့်လောက် စိတ်မဝင်စားဘူးဆိုတဲ့ အမှန်တရားပါ။ ကြားရတာ နားထဲမှာ ထော်လော် ကန့်လန့် ဖြစ်ကောင်းဖြစ်နိုင်ပေမဲ့ ဒီအချက်က တကယ့်အရေးပါတဲ့အချက်တစ်ချက် ဖြစ်ပါတယ်။

သင် တိုးတက်ရာတိုးတက်ကြောင်းအတွက် အခြားလူတစ်ယောက်ကို မျှော်ကိုးနေမဲ့အစား ၊ သင့်ကိုယ် သင် အားကိုးလိုက်ပါ။ ဒါမှသာ စစ်မှန်တဲ့တန်ဖိုးတွေ ဖန်တီးနိုင်မှာ ဖြစ်ပါတယ်။ ကိုယ်ပိုင် ဂုဏ်ပုဒ်တစ်ခုကိုလဲ အဓိပ္ပာယ်ရှိရှိ တည်ဆောက်နိုင်မှာ ဖြစ်ပါတယ်။ ဒါကြောင့်၊ စဉ်ဆက်မပြတ် လေ့လာသင်ယူပါ။ အခြေအနေနဲ့ အချိန်အခါကိုလိုက်ပြီး ပြုပြင်ပြောင်းလဲပါ။ ဒါက သင့်တိုးတက်မှုအတွက် အရေးကြီးဆုံး လက်နက်တွေ ဖြစ်ပါတယ်။ အရေးအကြီးဆုံးက သင် လျှောက်ချင်တဲ့လမ်းကို သင်ကိုယ်တိုင် ဖောက်ဖို့ပါပဲ။