Raising Critical Thinkers

သတင်းအချက်အလက်တွေကို အလွယ်တကူရရှိနိုင်တဲ့ ဒီနေ့ခေတ်ကမ္ဘာမှာ အမှန်တရားနဲ့ လုပ်ဇာတ်ကို ခွဲခြားသိဖို့က ခက်ခဲလာပါတယ်။ ကလေးတွေအနေနဲ့ ဘယ်အရာကို ယုံကြည်ရမယ်၊ ဘယ်သူ့ကို ယုံကြည်ရမယ်၊ ဘယ်အချိန်မှာ မေးခွန်းထုတ်ရမယ်ဆိုတာကို မသိနိုင်လောက်အောင်ကို အရာအားလုံးက ဆင်တူယိုးမှား ဖြစ်နေ တာပါ။ ဒါကြောင့် မိဘတွေဘက်က ကိုယ့်သားသမီးကို စဉ်းစားဆင်ခြင်နိုင်စွမ်းရှိတဲ့ ကလေးတွေဖြစ်လာအောင် ဂရုတစိုက် သင်ကြားပေးရပါမယ်။ ရှုပ်ထွေးလှတဲ့လူ့လောကကြီးမှာ လွတ်လပ်လင်းပွင့်တဲ့နှလုံးသား၊ ခိုင်မာတဲ့ စိတ်ဓာတ်နဲ့ မှန်မှန်ကန်ကန်နေထိုင်နိုင်ဖို့ ကလေးတွေကိုကူညီပေးရပါမယ်။ မိဘတွေဟာ သတ္တိ၊ သတိနဲ့အတူ ကိုယ့်သားသမီးတွေအနေနဲ့ ဘယ်သူ့ကိုမှမမှီခိုဘဲ သူတို့ဘာသာ ချင့်ချိန်စဉ်းစားတတ်တဲ့သူတွေ ဖြစ်လာအောင် ဦးဆောင်လမ်းပြပေးရပါမယ်။