Rich Dad's Cashflow Quadrant

သင့်အတွက် ဝင်ငွေရရှိနိုင်ဖို့ နည်းလမ်း ၄ ခု ရှိပါတယ်။ လခစား ဝန်ထမ်းလုပ်တာ၊ တစ်ပိုင်တစ်နိုင် ဒါမှမဟုတ် ကိုယ်ပိုင်လုပ်ငန်းအသေးလေးလုပ်တာ၊ လုပ်ငန်းကြီးတစ်ခုကို စီမံတာနဲ့ ရင်းနှီးမြုပ်နှံတာတို့ပဲ ဖြစ်ပါတယ်။ သင့်ဘဝအတွက် ဘယ်နည်းလမ်းကိုပဲရွေးရွေး မှားတယ်ရယ်လို့မရှိပေမဲ့ ငွေကြေးအတွက် မပူပန် ချင်ဘူးဆိုရင် အကောင်းဆုံးကတော့ လုပ်ငန်းကြီးပိုင်တာနဲ့ ရင်းနှီးမြုပ်နှံဖို့ပဲ ဖြစ်ပါတယ်။ သင်က လုပ်ငန်းရှင်မဖြစ်လာချင်ဘူးဆိုရင်တောင်မှ သင့်ဘဝအတွက် ဝင်ငွေလမ်းကြောင်းရှိနေအောင်လို့ ရင်းနှီးမြုပ်နှံ လို့ ရနေပါသေးတယ်။ ဘာလို့လဲဆိုတော့ ငွေက အတော်လေးအရေးပါပြီး တစ်ခါတလေဆို ငွေ ‌ ကပဲလူတွေကို ငိုမလား ရယ်မလား ဆုံးဖြတ်ပေးနိုင်တာမဟုတ်ပါလား။ ဒါပေမဲ့ ငွေကြေးပိုင်းပူပန်စရာမရှိအောင်သာ လုပ် လိုက်နိုင်ပြီဆိုရင် သင်ဟာ ကိုယ့်ဘဝကို ကိုယ်ပြန်ပိုင်သွားပါလိမ့်မယ်။