Read People Like a Book

"စိန်အကဲ ကျောက်အကဲ ခတ်ရန်လွယ်သည်၊ လူအကဲခတ်ရန် မလွယ်" ဆိုတဲ့ မြန်မာဆိုရိုးစကား ရှိပါတယ်။ ဒါကြောင့်လဲ၊ လူအကဲခတ်တတ်တဲ့သူကို စူပါပါဝါရှိသူ၊ သဘာဝတရားကြီးက လက်ဆောင်ပေးထားခြင်း ခံရသူလို့ ထင်တတ်ကြတာပါ။ အမှန်တော့၊ လူအကဲခတ်ပညာဆိုတာ ထူးခြားတဲ့စွမ်းရည် မဟုတ်ပါ။ ဘယ်သူမဆို လေ့လာသင်ယူလို့ရနိုင်တဲ့ အတတ်ပညာ တစ်ခု ဖြစ်ပါတယ်။ အခြားလူတွေရဲ့ စိတ်ခံစားချက်တွေ၊ အတွေးတွေ၊ ရည်ရွည်ချက်တွေကို ခွဲခြားစိတ်ဖြာ နားလည်နိုင်ရင် လူအကဲခတ်တတ်ဖို့က မခက်ပါ။ ကျွန်မတို့အနေနဲ့ ၊ လူအကဲခတ်ရာမှာ ထူးချွန်ပြောင်မြောက်ဖို့ဆိုရင် လူ့အမူအကျင့်တွေကို ခွဲခြမ်းစိတ်ဖြာပြီး ဖော်ပြထားတဲ့ ဒီစာအုပ်ကို မဖြစ်မနေ ဖတ်သင့်ပါတယ်။